Valdas Adamkus (3 de payares de 1926, Kaunas) ye un políticu lituanu que foi presidente de Lituania en dos etapes: dende 1998 hasta 2003, y de nuevu dende 2004 hasta 2009.
Nacíu na entós capital de Lituania, a los 18 años tuvo que exiliase pola ocupación soviética del Bálticu, non ensin antes combatir na resistencia nacionalista antisoviética.[10] Dempués d'una curtia estancia n'Alemaña, en 1949 tola familia treslladóse a Chicago, Estaos Xuníos.[10] Adamkus tuvo una participación activa n'organizaciones de la comunidá lituanu-americana, coles mesmes que desenvolvería la so carrera profesional: en convirtiéndose en ciudadanu d'Estaos Xuníos, en 1961 llogró'l graduáu n'Inxeniería Civil pol Institutu de Teunoloxía d'Illinois. Ente 1969 y 1997 tuvo trabayando pal gobierno federal de los EE.XX., con una esitosa carrera na Axencia de Proteición Ambiental (EPA) que foi reconocida col Premiu del Presidente pal Serviciu Civil Distinguíu (1985).[11]
Dempués de la independencia de Lituania en 1990, empezó a collaborar col serviciu diplomáticu del nuevu estáu hasta implicase na vida política nacional.[12] En 1997 tornó al so país y venció les eleiciones presidenciales como candidatu independiente, gracies al sofitu de los partíos lliberales y conservadores. Nos sos diez años de mandatu trabayó por que Lituania pudiera xuntase tantu a la Xunión Europea como a la OTAN, según na correuta transición escontra una economía de mercáu y l'afitamientu del sistema democráticu.[12][13]
<ref>
nun ye válida; nun se conseñó testu pa les referencies nomaes :1
© MMXXIII Rich X Search. We shall prevail. All rights reserved. Rich X Search